India rama Court sang ber- Supreme Court-in ti tura a tih angin, Mizoram University chuan kum 2011-12 a?angin Undergraduate Course (B.A, B.Sc leh B.Com)-ah Semester System chu a lo hmang ?an ve ta a. He zir dan kalphung hi mi tam berin kan chian tawk loh avangin a nih phung tlangpui kan hriat theihna turin sawifiah kan tum dawn a ni.
Semester System-ah chuan B.A. hi kum thum tho zir tur a ni dawn a, 1st Semester leh 2nd Semester chu kum khatna (1st Year)-ah an zir ang a, 3rd Semester leh 4th Semester chu kum hnihna (2nd Year)-ah an zir ang. Kum thumna (3rd Year)-ah 5th Semester leh 6th Semester an zir ang. Mizoram University chuan kum khatnaah hian Cumpulsory paper-a an zir tur pakhat leh Elective subject pahnih an zir tel a ngai a. A kum hnihna- 3rd Semester ah chuan Cumpulsory paper-ah B.A tan MIL, B.Sc tan History of Science an zir ang. 4th Semester-ah an vaiin Environmental Service an zir ang a, Core subject leh Elective subject an lo zir tawh kha an chhunzawm ang. 5th leh 6th Semester- 3rd Year ah chuan 1st Year-a Core subject an lo lak tawh chauh kha thlur bingin paper 4 ve ve in an zir ang. Semester tinah paper tin hian mark 100 zel a pu ang a, Practical awmnaah Theory-in mark 70, Practical-in mark 30 a pu ang.
Exam danah kalphung pangngai thlak dawrh a ni ta a. Full mark 100-ah mark 25 chu ‘Internal Assessment’-a mark pek tur a ni a. Practical awmna subject-ah chuan Theory mark 70 a?anga mark 15 chu Internal Assessment a pek tur a ni. A bak zawng chu Semester Exam, University buatsaihah an exam tawh dawn a ni. Internal Assessment-ah hian Semester khat chhungin vawi 3 Exam neih tur a ni a, mark an hmuh hniam berna paih sakin an mark sanna pahnih chawhrual (average) lak tur a ni ang.
Tin, an Class kal ?hat dan (attendance)-in mark put tir theih anih avangin, attendance hian Theory-ah leh Practical-ah mark 5 ve ve ken tel tir a ni. Tuna kan kalphungah chuan attendance 75% chin chung lamin mark 5, 60-75% in mark 3, 40-60% in mark 1, 40% kal tling lovin mark an hmu lo ang. Tichuan, Internal Assessment-a mark an hmuh hian an Graduate mark a hril nghal vek a. Internal Assessment-a mark hmu tha tan 1st Class a pass a awlsam hle dawn a, mark hmu ?ha lo tan pass a harsa hle dawn bawk a ni. Pass tur hian 40% mark an hmuh a ngai a, chumi hmu pha lote chuan an fail-na subject kha an ba thei.
Ba neih hi a dawt leha phur tirittu anih hre lova pawl an sawn ngawt chuan Graduate chhuak thei lo tur an tam ang tih a hlauhawm hle a ni.
An subject bat an exam leh theih dan chu hetiang hi a ni. 1st Year 2nd Year 3rd Year Repeat-na chance Semester I II III IV V VI Exam Oct 12 May 13 Oct 13 May 14 Oct 14 May 15 Oct 15 May 16 Oct 16 May 17 Regular paper I II III IV V, VI, VII,VIII IX,X,XIXII Nil Nil Nil Nil Repeater paper Nil Nil I II I*, III II*, IV III*,V,VI,VII,VIII IV*,IX, X,XI,XII V*,VI*,VII*, VIII* IX*, X*,XI, XII* *= an chance neih tawp tihna a ni. Hemi-a an pass loh chuan 1st Semester aṭangin ṭan leh a ngai.
